کراچی سے ہم نہیں جیتے لیکن پھر بھی ہمارے منسٹر بارشوں میں سڑکوں پر تھے، وزیراعلیٰ سندھ

• 26 Aug, 2020

کراچی: (26 اگست 2020) وزیراعلیٰ سندھ مراد علی شاہ نے کہا ہے کہ نئے صوبے کا شوشہ چھوڑنے والوں کے پاس عوام کیلئے کچھ نہیں ہے۔ کراچی سے ہم جیتے نہیں لیکن پھر بھی ہمارے منسٹر بارشوں میں سڑکوں پر تھے۔

ٹھٹھہ کی تحصیل گھارو میں وزیراعلیٰ سندھ مراد علی شاہ نے بارش سے متاثرہ علاقوں کا دورہ کیا۔ اس موقع پر میڈیا سے گفتگو کرتے ہوئے وزیراعلیٰ سندھ نے کہا کہ جس حساب سے بارش ہوئی ہے، نقصان ہوا ہے۔ ہمارے نمائندے بھی موجود تھے، انتظامیہ بھی موجود تھی۔ شہر میں صفائی کے نظام کو بہتر بنایا جائے گا۔

گھارو کے بعد وزیراعلیٰ سندھ نے سجاول پہنچ کر سیم نالے ناگن کا معائنہ کیا۔ اس موقع پر مراد علی شاہ نے کہا کہ بارش بہت ہوئی ہے، نقصان بھی ہوا ہے۔ ہماری کمیٹی ضلع کے نقصان کا تخمینہ لگائے گی۔ پھر ضلع کیلئے پیکج دیا جائے گا۔

انہوں نے کہا کہ وزیراعلیٰ ہوں، لازمی بارشوں میں نکلوں گا۔ گزشتہ دو سالوں سے وزیراعلیٰ ہوں لیکن وفاقی وزراء ملنے کو تیار نہیں تھے، اب موقع ملا ہے۔ جو وفاقی حکومت کے پروجیکٹ ہیں، ان کے مسائل وہ دیکھیں گے۔ وفاقی حکومت کا اپنا اور صوبوں کے اپنے آئینی اختیارات ہیں۔ سندھ بھر کے سیم نالوں میں صفائی ستھرائی اور کھدائی کے اچھے کام کروائے ہیں۔