معروف گلوکار شفاءاللہ خان روکھڑی انتقال کر گئے
مختلف سیاسی و سماجی شخصیات کا شفاءاللہ خان روکھڑی کے انتقال پراظہارِ افسوس
   ہفتہ 29 اگست 2020  13:39

معروف گلوکار شفاءاللہ خان روکھڑی انتقال کر گئے
میاںوالی (اردو پوائنٹ تازہ ترین اخبار۔29 اگست 2020ء) معروف گلوکار شفاءاللہ خان روکھڑی انتقال کر گئے۔تفصیلات کے مطابق میانوالی سے تعلق رکھنے والے معروف گلوکار شفاءاللہ خان روکھڑی حرکت قلب بند ہو جانے سے انتقال کر گئے۔شفاءاللہ خان روکھڑی کے گیت دنیا بھر میں سنے جاتے ہیں اور ان کے مداحوں کی تعداد لاکھوں میں ہے۔خاص طور پاکستان میں ان کے مداحوں کی ایک بڑی تعداد موجود ہے۔
شفاءاللہ خان روکھڑی کے انتقال کی خبر ان کے مداحوں کے لیے ایک صدمہ ثابت ہوئی ہے۔ شفاءاللہ خان روکھڑی کے یوٹیوب پر 1.78 ملین سبسکرائبرز ہیں  روکھڑی کے مداحوں کا کہنا ہے کہ اگرچہ شفاءاللہ انتقال کر گئے ہیں لیکن ان کی آواز ہمیشہ رہے گی۔
شفاءاللہ خان روکھڑی کو آبائی قبرستان میں سپرد خاک کیا جائے گا۔شفاءاللہ خان روکھڑی کے صاحبزادے ذیشان خان روکھڑی نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ میرے بابا جان شفا الّلہ خان روکھڑی وفات پاگئے ہیں۔ الّلہ تعالی میرے بابا جان کو جنت میں جگہ عطا فرمائے۔انہوں نے مزید کہا کہ جنازہ آج شام 9 بجے میانوالی اسٹیڈیم میں ہو گا۔

میرے بابا جان شفا الّلہ خان روکھڑی وفات پاگئے ہیں الّلہ تعالی میرے بابا جان کو جنت میں جگہ عطا فرماۓ جنازہ آج شام 9 بجے میانوالی اسٹیڈیم میں ہو گا۔