سپین میں میڈیکل عملے کو مفت سروس دینے والے پاکستانی ٹیکسی ڈرائیورکی حالت تشویشناک ہو گئی
سید شیراز کورونا کا شکار ہونے کے بعد اسپتال کے انتہائی نگہداشت کے یونٹ میں زیر علاج،10 روز کے لیے بے ہوش کیا جائے گا
   ہفتہ 29 اگست 2020  11:26

سپین میں میڈیکل عملے کو مفت سروس دینے والے پاکستانی ٹیکسی ڈرائیورکی ..
بارسلونا (اُردو پوائنٹ اخبارتازہ ترین۔ 29 اگست 2020ء) بارسلونا میں میڈیکل عملے کو مفت سروس دینے والا پاکستانی ٹیکسی ڈرائیور سید شیراز اب انتہائی نگہداشت میں ہے اور زندگی کی جنگ لڑ رہا ہے۔تفصیلات کے مطابق کورونا وائرس نے دنیا بھر میں تباہی مچا دی تھی،کورونا نے اسپین کو بھی اپنی شدید لپیٹ میں لیے رکھا۔ کورونا وائرس سے جہاں دنیا بھر میں ہلاکتیں ہو رہیں اور لوگ متاثر ہو رہے ہیں،وہیں سپین بھی کرونا وائرس سے متاثر ہوا ۔
کورونا وائرس کے پیش نظر سپین میں پاکستانی ٹیکسی سیکٹر نے ڈاکٹرز اور پیرا میڈیکل اسٹاف کو فری سروسز فراہم کرنے کا اعلان کیا تھا۔ غیر ملکی میڈیا کے مطابق بارسلونا میں کورونا وائرس کے انسداد کے لیے لاک ڈاؤن میں سید شیراز نے پاکستانی ڈرائیورز کے گروپ کا روحِ رواں تھا۔

جو میڈیکل اسٹاف کو مفت سروس فراہم کرتا رہا مگر اب شیراز کورونا کا شکار ہے اور بارسلونا کے ایک اسپتال کے انتہائی نگہداشت کے یونٹ میں زیر علاج ہے۔
گذشتہ روز انہوں نے فیس بک پر اپنی ایک پوسٹ میں لکھا کہ مجھے دس روز کے لیے بے ہوش کیا جا رہا ہے۔